Olladas de Mulleres no Mundo

Co gallo do Día da Muller Traballadora, un ano máis o Consello da Cultura Galega e o CGAI dedícanlle unha semana da súa programación a un ciclo no que as figuras femininas son as protagonistas. 

Directoras, guionistas, produtoras, actrices... unha tentativa de amosar outras olladas e perspectivas. 

O ciclo comezará co único título de directores masculinos, Dos días, una noche, dos irmáns Dardenne, dúas veces gañadores en Cannes. Un filme sobre a muller no ámbito laboral nun contexto de crise. A intérprete principal, Marion Cotillard, acaba de ser nomeada ao Oscar á mellor actriz polo seu papel de traballadora que intenta que os seus compañeiros renuncien á paga extraordinaria para ela conservar o seu posto na empresa. O particular naturalismo dos Dardenne liga con Mil noches, una boda, de Marie Amachoukeli-Barsacq, Claire Burger e Samuel Theis, o retrato dunha muller libre de 60 anos e as complexidades dos afectos e a contorna social. Pola súa banda, Amour fou, de Jessica Hausner, está inspirada na historia do poeta Heinrich von Kleist e a súa procura dunha compañeira para se suicidar en pleno Romanticismo alemán; ambas as dúas achegan senllos retratos femininos con forza. 

Na sección Creadoras Galegas de Imaxe ofrerán dous títulos: Muller(es)Muller, de Inés Pintor, producido por SocialDocs, que amosa a vida de mulleres dunha mesma familia pertencentes a tres xeracións distintas: as dificultades e diferenzas na educación, na percepción, no papel desempeñado…, e O tesouro de Corcoesto, adscrita ao documental militante e dirixida pola galega Cora Peña. 

A estes títulos engaden Se dice poeta, da asturiana Sofía Castañón, que se aproxima a 21 poetas, entre elas tres galegas establecidas na Coruña: Yolanda Castaño, Estíbaliz Espinosa e María Couceiro. Estas últimas sesións contarán coa presenza das súas autoras. 

PROGRAMA

Martes 03

18.00 h.

Deux jours, une nuit / Dos días, una noche Jean-Pierre e Luc Dardenne, 2014 96'. DCP. Subt. castelán. Presentación ciclo no 2º pase. Entrada de balde.

20.30 h.

Deux jours, une nuit / Dos días, una noche Jean-Pierre e Luc Dardenne, 2014 96'. DCP. Subt. castelán. Presentación ciclo no 2º pase. Entrada de balde.

Mércores 04

18.00 h.

Party Girl / Mil noches, una boda Marie Amachoukeli-Barsacq, Claire Burger e Samuel Theis, 2014 95'. DCP. Subt. castelán. Entrada de balde.

20.30 h.

Party Girl / Mil noches, una boda Marie Amachoukeli-Barsacq, Claire Burger e Samuel Theis, 2014 95'. DCP. Subt. castelán. Entrada de balde.

Xoves 05

18.00 h.

Muller(es)Muller Inés Pintor, 2014 80'. Vídeo HD. Presentación. Entrada de balde.

20.30 h.

Tesouro de Corcoesto Cora Peña, 2015 98'. Vídeo HD. Presentación pola súa autora. Entrada de balde.

Venres 06

18.00 h.

Amour Fou Jessica Hausner, 2014 96'. DCP. Subt. castelán. Entrada de balde.

20.30 h.

Amour Fou Jessica Hausner, 2014 96'. DCP. Subt. castelán. Entrada de balde.

Sábado 07

18.00 h.

Se dice poeta Sofía Castañón, 2014 96'. DCP. Presentación a cargo da súa autora e das poetas galegas participantes no filme (María Couceiro, Estíbaliz Espinosa e Yolanda Castaño). Entrada de balde.