Semana das Músicas do Audiovisual

Concertos da Orquesta Sinfónica de Galicia, un ensaio aberto ao público, masterclass... así se estrea a Semana das Músicas do Audiovisual.

A Semana das Músicas do Audiovisual é un novo festival, dirixido polo compositor Nani García, que dará protagonismo as músicas para cine, televisión e outros medios audiovisuais, ofrecendo aos espectadores as mellores composicións en cada xénero e aos profesionais e interesados na música do audiovisual a posibilidade de ampliar coñecementos sobre composición, produción e interpretación dun tipo de música que todo o mundo escoita, pero que non sempre consegue a atención directa do ouvinte. 

A Semana das Músicas do Audiovisual é unha iniciativa da Academia Galega do Audiovisual coa Orquesta Sinfónica de Galicia e a Fundación SGAE.

PROGRAMACIÓN NA CORUÑA

◙Venres 23 Septiembre - 20:30H.
Concerto - Pazo da Ópera. A Coruña.
A Orquesta Sinfónica de Galicia ofrecerá un repaso ás principais composicións para cine compostas en España durante os últimos anos, con especial atención a compositores galegos como Xavi Font, Sergio Moure, Manuel Riveiro ou Zeltia Montes, interpretará grandes bandas sonoras dos clásicos do cine, de Star Wars a E.T. Músicas de películas como O Apóstolo, El laberinto del fauno o Capitán Trueno

 ◙Martes 27 de setembro -  18.30H.

Masterclass - Aula 9 do Centro Ágora, A Coruña

* Masterclass con Luis Ivars sobre os dereitos de autor nas músicas do audiovisual

* Entrada gratuíta ata completar aforo. Necesario inscribirse enviando os teus datos no formulario aquí para redireccionar á páxina oficial. Unha vez o envíes, a Academia Galega do Audiovisual confirmará a súa recepción e a túa praza na Masterclass nun prazo máximo de 24h nos días laborais, e recibida non máis alá do día 26 de setembro.

Durante dúas horas na masterclass “Creación audiovisual e dereitos do creador” Luís Ivars, presidente de Musimagen e membro directivo de ECSA, dará a coñecer aos presentes durante dúas horas “quen, como e onde” se defende o valor intelectual e económico da obra audiovisual; como se lexislan as leis que lles afectan. É imprescindible que os autores teñan conciencia do seu valor e o seu dereito.

 ◙ Xoves 29 de setembro - 10:00H
Encontro cos espectadores - Pazo da Ópera
Xunto cos concertos, a Orquesta Sinfónica de Galicia ofrecerá un encontro cos espectadores nun ensaio xeral aberto no que, ao rematar, haberá un pequeno debate cos compositores asistentes e moderado polo director da SEMUA, Nani García.